Iniciativa Estudiantil Galega

Escola, Universidade e Empresa como espazos de construcción da igualdade e deconstrucción dos teitos de cristal.

As I Xornadas de Educación para a Igualdade están dirixidas a estudantes da Universidade da Coruña, mestres e mestras, persoal investigador, e traballadores en xeral, interesados en formarse e compartir experiencias en temas de igualdade, coeducación e corresponsabilidade.

Ao longo das xornadas –que se desenvolverán ao longo de catro tardes, e en distintas facultades do Campus de Elviña- abordaráse a educación para igualdade como temática transversal nos centros educativos; a igualdade de oportunidades no ámbito laboral e profesional (na empresa privada e na universidade pública) a problemática dos teitos de Cristal e, finalmente, a participación das mulleres no ámbito político.

Nestas Xornadas tratamos de combinar o formato de conferencia co de mesa redonda, co fin de que exista un intercambio de experiencias, entre as/os propios ponentes e, especialmente, abrindo canles de diálogo co público asistente (ao que tamén considerarmos “experto” na materia) para, finalmente, extraer unhas conclusións sobre o estado da situación e as propostas de actuación que, no futuro, debemos poñer en práctica.

A Asistencia ás I Xornadas de Educación Para a Igualdade é gratuita, previa solicitude de inscrición (as prazas son limitadas). Solicitouse á UDC a concesión de un crédito de libre configuración. Para a formulación da inscrición e acadar máis información podedes visitar as webs de: www.ugtcoruna.es e www.iesga.es

Participación é a palabra fundamental que describe o que é IESGA. Un espazo de participación para todos e todas, un espazo construido pola rebeldía de mozos e mozas que loitan polos seus (e os teus) dereitos, pola xustiza, pola igualdade entre persoas e a equidade para dar a cadaquén o que necesita, porque o respecto e o apoio son fundamentais, porque a unión sempre fai a forza. IESGA é un espazo de oportunidades, no que a implicación xera o dinamismo, e o compromiso fundamental é o de traballar por unha educación pública, o de escoitar a realidade e moverse para transformala, no que a imaxinación permite facer da Universidade un espazo de creatividade, de imaxinación, de aprendizaxe e expresión, de debate, de crítica constructiva, de espontaneidade, no que a innovación sexa benvida, no que compartir unha nova visión, un novo modelo de universidade pública, de calidade, galega e galeguista...

Se tes chegado ata aqui probablemente IESGA é o teu espazo, probablemente eres unha desas persoas que non queda inmovil ante a vida que pasa.  IESGA é simplemente un grupo de mozos e mozas moi diferentes entre sí, pero que comparten un obxectivo, xente que necesita máis xente que aporte ideas... se tes chegado ata aqui seguro que che apetece ir un chisco máis lonxe... estamos en iesga@iesga.es, podes encher o formulario de contacto ou visitarnos en calquera dos centros que aparecen  no apartado «onde estamos».